Óeirðir

Það er mikið um að vera hér í Köben þessa daganna.  Hér er kveikt í bílum og sprengjum hent inn í hús hjá fólki sem á sér einskis ills von.  Hér þar sem ég bý hefur allt verið með kyrrum kjörum þar til í gærkvöldi að ég heyrði einhver heljarinnar læti utandyra með sírenuvæli og því sem tilheyrir.  Þegar ég svo lagði af stað í morgun hjólandi, sá ég að tveir bílar voru brunarústir einar hér í næstu götu.  Þessum látum verður að linna og enginn veit svo sem hvað er í gangi.  Myndirnar af Muhamed eru nefndar sem aðalorsök en þeir framámenn sem talað er við í sjónvarpinu segja að það hafi bara verið olía á eldinn sem kraumar hjá innflytjendum. 

Ég vona bara að við heima á Íslandi náum að komast hjá svona löguðu.  Mér finnst gott hjá Bubba og félögum að stofna til þessara tónleika til að minna á að kynþáttafordómar tilheyra fortíðinni.  Erum við ekki öll bara manneskjur sem búum á þessari jörð sama hver hörundsliturinn er.   

 

Athugasemdir

[Guðný Bjarna, 24.2.2008 kl. 10:53]

hvað er að frétta frá Köben... maður hefur áhyggjur ef það er ekki dagleg bloggfærsla frá skólastelpunni, miðað við óeirðaféttirnar sem berast...

[Lilja (IP-tala skráð) 24.2.2008 kl. 18:06]

Hæ Nenna fékk að grípa í tölfuna hjá Betu. Við söknum þín öll .Við Flosi förum að sjá Óperuna í kvöld.Hlakka aðalega til að sjá Manna.Farðu svo gætilega í óeirðunum. guð veri með þér. Bless elsku stelpan mín.Þín Lilja

[Magnea Kristleifsdóttir, 25.2.2008 kl. 19:09]

Takk Lilja mín ég fékk bara tár í augun og ég sakna ykkar og allra heima óskaplega mikið