Grímuball eða þorrablót

Auðvitað skellti ég mér á grímuballið,því annars hefði ég auðvitað verið á þorrablótinu heima.  Hárkollan góða sem ég keypti í fyrra var náttúrlega heima svo ég dressaði mig upp eins og miðaldra kennslukona í stuttu pilsi, háum hælum og netsokkum.  Það var bara gaman en ég stóð mig ekki eins vel og oft áður var komin heim upp úr miðnætti.

Það er annars meiri munurinn að hafa þetta internet.  Nú sit ég á kvöldin og hlusta á rás 1 og fréttirnar í sjónvarpinu.  Í gær hlustaði ég t.d á þrjá síðustu þættina með hundi í útvarpssal og skemmti mér vel. Svo get ég hraðspólað yfir borgarstjórafréttirnar, þetta er nú meira ruglið í borgarpótitíkinni heima.

Nú er ég að fara að kenna hér í Kóngsins Kaupmannahöfn og það er enginn venjulegur skóli fyrir almúgann, þetta er nefninlega skólinn sem Margrét drottning gekk í þegar hún var lítil stelpa og hennar systur líka.  Kannski eru litlu prinsarnir í mínum bekk, aldrei að vita.