Dönsk menning

Ég hafði kveikt á sjónvarpinu i gærkvöldi og hlustaði með öðru eyranu, ( ég er jú að æfa mig í dönskunni) og þeir eru alveg dásamlegir hérna.  Fyrst var klukkutíma þáttur um hvernig hægt er að spara, t.d. vatnið, láta það ekki renna og svo rafmagnið, ekki hafa kveikt þar sem enginn er.  Svo kom þáttur um mataræði.  Þar var til viðtals kona sem var svo horuð að það var hrein hörmung.  Hún talaði um að öll fita sem við látum ofaní okkur muni eyðaleggja heilafrumurnar í okkur og best væri að borða bara gulrætur.  Má ég þá heldur biðja um slátur og feitt kjöt.  Svo kom þáttur um barnauppeldi.  Þar kom móðir með ársgamalt barnið sitt með sér og var að sýna áhorfendum hvað hægt væir að kenna börnum.  Hún var með spjöld sem á voru punktar misjafnlega margir og barnið átti að segja hvað punktarnir voru margir á hverju spjaldi.  Barnið var náttúrlega eins og börn eru, reif af henni spjöldin og kuðlaði þeim saman.  En alltaf þegar krakkinn tók spjald af mömmunni sagði hún tölurnar t.d. 49.  Og við áttum svo að halda að barnið hefði valið réttar tölur. 

Annars fór ég í langan göngutúr í dag  labbaði meðal annars allt Strikið.  Það var eins og vor í lofti og veitingahúsaeigendur farnir að setja út borð og stóla fyrir framan veitingastaðina.  Semsagt frábært veður hér miðað við árstíma.

Athugasemdir

[Guðný Bjarna (IP-tala skráð) 8.2.2008 kl. 13:13]

..hér er ekki aldeilis "vor í lofti" stemming... !!   er stödd í borginni og eini rétti fótabúnaðurinn eru stígvél..!

...en sparnaðarmenning Dana á kannski eftir að verða eftirsótt menning hjá okkur á klakanum þegar efnahagskerfið hefur kólnað svo hratt að það liggur við frosti....... já kannski verður það "dönskukennsla í sparnaði "sem blívur  og þeir sem hafa slíka gráðu eru efnaðir..... leggðu því vel við hlustir