Útilega og jarðfræði

Nú er ég búin að vera á ferðinni um Sjáland í heila viku og er orðin nokkuð góð í að greina ýmiskonar náttúrufyrirbrigði.  Það var svokölluð studio uge sem þýðir að þú ert bara í einu fagi í heila viku og ferð  út úr skólastofunni og ferðast um og skoðar ýmislegt í náttúrunni.  Við byrjuðum á að ganga um Mölledalinn  sem er 15 km langur og þar rennur hin svokallaða Mölledalsá. Aðalviðfangsefnið var að skoða náttúrumyndun sem skapaðist á íslöld.   Mölledalsáin er nú ekki merkileg á miðað við þær íslensku.  Þetta var nú bara  lítill lækur á okkar mælikvarða.   Næsta dag skoðuðum við kalkmyndun á Stevens Klint sem er mjög fallegt svæði þar sem kalkmyndunin er 70 milljón ára gömul.  Ég tók að sjálfsögðu nokkra steina með til  minninga.  Við enduðum svo á þriggja daga útilegu þar sem við skoðuðum steina og greindum þá og unnum ýmiskonar verkefni.  Á kvöldin var svo kvöldvaka með tilheyrandi sekmmtun.   Þannig að ég er alltaf að upplifa eitthvað nýtt.  Og nú er komið páskafrí og ég held að flestir hér á kollegiinu séu að fara eitthvað í burtu, svo  það verða rólegheit hér. 

Mér heyrist á veðurfregnunum  að það sé von á páskahreti, næturfrost í næstu viku ,en það hafa ekki verið margar frostnætur hér síðan ég kom í janúar, veðrið hefur verið aldeilis ágætt hér í vetur.

Svo kemur Manni á þriðjudaginn og að sjálfsögðu er ferðinni heitið í óperuna eina kvöldstund því minn maður er orðinn óperuunnandi.    Læt gott heita í bili.

Athugasemdir

[Steinunn Garðarsdóttir (IP-tala skráð) 16.3.2008 kl. 00:14]

Sæl Nenna mín ,gaman að fygjast með hvað þú ert að gera.Gaman að Manni sé að koma til þín, hann er alveg briljant í óperunni þú verður að fara líka með hann á karlakóra tónleika.Allt gott hjá okkur,Jörundur blómstrar.

kv Steina

[Guðný Bjarna, 16.3.2008 kl. 09:45]

... bara skrifa smá kveðju um leið og ég kíki á hvað þú ert að gera... já það hlýtur að vera gaman að upplifa dönsk æfintýri... við göngusysturnar erum byrjaðar að æfa fyrir Slóveníu...tíminn flýgur áfram og við erum orðnar voða spenntar fyrir ferðinni og búnar að skoða svæðið á Google earth sem er alveg magnað... varstu búin að fá póstinn um inn á greiðsluna  ??

bestu kveðjur úr Eyjum í fallegri morgunsól

[Auður (IP-tala skráð) 19.3.2008 kl. 14:33]

Hafðið það gott um hátíðarnar. Ármann Bjarni, Trausti Leifur og Inger Elísabet rúsína prinsessa Eyjólfsdóttir eins og hún vill láta kalla sig þessa dagana biðja að heilsa, og líka við gömlu.

[Ágústa Guðnad. (IP-tala skráð) 19.3.2008 kl. 19:50]

Sæl Nenna

Oh hvað það er gaman hjá þér!  Ég er á bloggkíki og sá síðuna þína.  Varð að heilsa upp á þig.  Það er mikill spenningur fyrir Slóveníu, botnlausar æfingar!

Eyjakveðja

Ágústa göngusystir